Events
Events
Reset

Date: 2026-08-20 | Department: Awards

Special Award to NCC officer Dr. P. senthil Kumar by the District Administration

நமது ம.தி.தா. இந்துக் கல்லூரியின் NCC அலுவலர் Lt. Dr. P. செந்தில்குமார் அவர்கள், NCC செயல்பாடுகளில் சிறப்பான பங்களிப்பையும் அர்ப்பணிப்பையும் ஆற்றியமைக்காக, 20.08.2026 அன்று திருநெல்வேலி மாவட்ட ஆட்சியர் திரு. ஆனந்த் மோகன், IAS அவர்களிடமிருந்து “Best Service Award” விருதைப் பெற்றுள்ளார்.

Date: 2026-08-15 | Department: Administration

Independence Day Celebrations

ம.தி.தா. இந்துக் கல்லூரியில் சுதந்திர தின விழா

திருநெல்வேலி பேட்டையில் அமைந்துள்ள ம.தி.தா. இந்துக் கல்லூரியில் 15.08.2026 அன்று சுதந்திர தின விழா சிறப்பாகக் கொண்டாடப்பட்டது.

விழாவில் தேசிய மாணவர் படை (NCC) அதிகாரி திரு. செந்தில்குமார் வரவேற்புரையாற்றினார். கல்லூரி முதல்வர் முனைவர் கு. பாலசுப்பிரமணியன் அவர்கள் தேசியக் கொடியை ஏற்றி வைத்து, சுதந்திர தின சிறப்புரையாற்றினார்.

விழாவில் சிறப்பு விருந்தினர்களாக திருநெல்வேலி கல்வி சங்கப் பொருளாளர் திரு. தளவாய் திருமலையப்பன் மற்றும் கல்லூரி ஆட்சிமன்றக் குழு உறுப்பினர் திரு. சி. திருவாரிமுத்து ஆகியோர் கலந்து கொண்டு சிறப்புரையாற்றினர்.

தேசிய மாணவர் படை மாணவர்கள் மரியாதை அணிவகுப்பு நடத்தினர். மேலும், கல்லூரியின் கலை மற்றும் பண்பாட்டுத்துறை மாணவ, மாணவிகள் தேசப்பற்றை வெளிப்படுத்தும் வகையில் சிறப்பான நடன நிகழ்ச்சிகளை வழங்கினர்.

நாட்டு நலப்பணித் திட்டம் (NSS) மற்றும் இளைஞர் செஞ்சிலுவை சங்க (YRC) அலுவலர் முனைவர் இராமலெட்சுமி நன்றியுரையாற்றினார்.

இவ்விழாவில் கல்லூரி ஆசிரியர்கள், அலுவலர்கள் மற்றும் நூற்றுக்கும் மேற்பட்ட மாணவ, மாணவிகள் கலந்து கொண்டு சுதந்திர தின விழாவைச் சிறப்பித்தனர்.

Date: 2026-08-15 | Department: Awards

Independece Day Special Awards to students from District Administration

மாவட்ட அளவில் சிறந்த மாணவர்களாகத் தேர்வு – பாராட்டு

நமது ம.தி.தா. இந்து கல்லூரி நாட்டு நலப்பணித் திட்டம் (NSS) அணி எண் 38-ஐச் சேர்ந்த N. அம்பிராஜன் (III B.Com.) அவர்கள் சிறந்த NSS தன்னார்வலராகவும், தேசிய மாணவர் படைப்பிரிவை (NCC) சேர்ந்த C. கணேஷ்ராஜா (III B.A. Economics – E.M.) அவர்கள் சிறந்த NCC மாணவராகவும் திருநெல்வேலி மாவட்ட நிர்வாகத்தால் மாவட்ட அளவில் தேர்வு செய்யப்பட்டுள்ளனர்.

மேலும், இருவரும் பேரிடர் மேலாண்மைப் பயிற்சியில் சிறந்த தன்னார்வலர்களாகவும் தேர்வு செய்யப்பட்டு, இன்று 15.08.2026 அன்று பாளையங்கோட்டை வ.உ.சி. மைதானத்தில் மாவட்ட நிர்வாகத்தின் சார்பில் நடைபெற்ற சுதந்திர தின விழாவில், திருநெல்வேலி மாவட்ட ஆட்சித் தலைவர் அவர்களால் சிறப்பிக்கப்பட்டனர் என்பதை மிகுந்த மகிழ்ச்சியுடன் தெரிவித்துக் கொள்கிறேன்.

Date: 2026-08-13 | Department: Physical Education

போதைப்பொருள் எதிர்ப்பு விழிப்புணர்வு விளையாட்டுப் போட்டி

நமது ம.தி.தா. இந்துக் கல்லூரி கூடைப்பந்து அணி, திருநெல்வேலி அண்ணா விளையாட்டு அரங்கில் (SDAT) 12.08.2026 முதல் 13.08.2026 வரை நடைபெற்ற போதைப்பொருள் எதிர்ப்பு விழிப்புணர்வு விளையாட்டுப் போட்டியில் வெற்றி பெற்று சாம்பியன் பட்டத்தை வென்றுள்ளது என்பதை மிகுந்த மகிழ்ச்சியுடன் தெரிவித்துக் கொள்கிறேன்.
மேலும்,
🥉 C. பிரேம்குமார், III B.Sc. Physical Education – 800 மீட்டர் ஓட்டம் – வெண்கலப் பதக்கம்
🥈 சரண், I B.Sc. Physical Education – 400 மீட்டர் ஓட்டம் – வெள்ளிப் பதக்கம்
🥉 M. ராதாகிருஷ்ணன், I B.Sc. Computer Science (SF) – உயரம் தாண்டுதல் – வெண்கலப் பதக்கம்
சாதனை படைத்த மாணவர்களுக்கும், உடற்கல்வி இயக்குநர், துறைத் தலைவர் மற்றும் பயிற்றுநர்களுக்கும் எனது மனமார்ந்த பாராட்டுகளையும் வாழ்த்துகளையும் தெரிவித்துக் கொள்கிறேன்.

back top